Autopilot og full sjálfkeyrslugeta

Autopilot er háþróað akstursaðstoðarkerfi sem eykur öryggi og þægindi þegar ekið er. Þegar Autopilot er notað á réttan hátt minnkar það heildarálag þitt sem bílstjóri. Hvert nýtt Tesla ökutæki er með átta ytri myndavélar og öfluga sjónvinnslu sem tryggir öryggi enn frekar. Model 3 og Model Y sem smíðaðir voru fyrir markaði í Evrópu og Mið-Austurlöndum hafa farið yfir í Tesla Vision sem byggir á myndavélum, er ekki með ratsjá og treystir í staðinn á háþróað myndavélasett Tesla og tauganetsvinnslu til að keyra Autopilot og tengda eiginleika.

Autopilot er staðalbúnaður í öllum nýjum Tesla ökutækjum. Fyrir eigendur sem fengu afhendingu á ökutækjunum sínum án Autopilot eru tveir Autopilot-pakkar í boði til kaups, en það fer eftir því hvenær ökutækið þitt var smíðað: Enhanced Autopilot og full sjálfkeyrslugeta.

Autopilot, Enhanced Autopilot og full sjálfkeyrslugeta eru ætluð til notkunar þannig að bílstjóri hafi áfram fulla athygli við akstur, hafi hendur á stýri og geti tekið við stjórninni hvenær sem er. Eiginleikarnir eru hannaðir til að verða betri með tímanum en þeir eiginleikar sem nú eru fyrir hendi gera bílinn ekki sjálfakandi.

Eiginleikar Autopilot og fullrar sjálfkeyrslugetu

Autopilot er akstursaðstoðarpakki sem hægt er að kaupa áður en þú kaupir ökutækið eða eftir að það hefur verið afhent og bætir nýrri virkni við Tesla bifreiðina sem gerir akstur öruggari og minnkar álag þegar þú keyrir. Í tiltækum pökkum eru:

Autopilot

Umferðarnæmur hraðastillir: Stillir hraða ökutækisins í samræmi við umferðina
Autosteer: Hjálpar til við að stýra bílnum þar sem akreinar eru greinilega merktar og notar umferðarnæman hraðastilli

Enhanced Autopilot

Sjálfvirk akreinaskipti: Hjálpar til við að færa bílinn á aðliggjandi akrein á þjóðveginum þegar bílstjóri gefur stefnuljós
Navigate on Autopilot (beta): Bætir sjálfvirk akreinaskipti og veitir bílstjóra leiðbeiningar um akstur af þjóðvegi, leggur meðal annars til akreinaskipti og veitir aðra akstursaðstoð
Autopark: Hjálpar þér að leggja ökutækinu með einni snertingu
Summon: Færir ökutækið í og úr þröngum rýmum, þú notar snjallappið
Smart Summon: Ökutækið þitt getur ekið við flóknari aðstæður og á bílastæðum, farið kringum hindranir eins og þörf krefur og ekið til þín á bílastæðinu nálægt þér.

Full sjálfkeyrslugeta

Allir eiginleikar Basic Autopilot og Enhanced Autopilot
Stýring vegna umferðarljósa og stöðvunarskilta (tilraunaútgáfa): Þekkir stöðvunarskilti og umferðarljós og hægir á ökutækinu þegar það nálgast slíkt undir virku eftirliti þínu.
Fyrirhuguð:
- Autosteer á borgargötum

Virkir eiginleikar Autopilot, Enhanced Autopilot og fullrar sjálfkeyrslugetu krefjast virks eftirlits bílstjóra og gera ökutækið ekki sjálfstýrt. Virkjun og notkun þessara eiginleika er háð því að ná fram áreiðanleika sem er meiri en mannlegir ökumenn hafa sýnt á milljörðum eknum kílómetrum sem og samþykki eftirlitsaðila en slíkt kann að taka langan tíma innan ákveðinna lögsagnarumdæma. Eftir því sem Autopilot, Enhanced Autopilot og full sjálfkeyrslugeta Tesla þróast verður ökutækið þitt stöðugt uppfært með þráðlausum hugbúnaðaruppfærslum.

Notkun á Autopilot og fullri sjálfkeyrslugetu

Áður en Autopilot er notað skaltu lesa eigendahandbókina til að fá leiðbeiningar og frekari öryggisupplýsingar. Þegar þú notar Autopilot er það á þína ábyrgð að fylgjast með, aka með öruggum hætti og hafa stjórn á ökutækinu allan tímann. Sjálfgefið er slökkt á mörgum Autopilot eiginleikum okkar, til dæmis Autosteer, Navigate on Autopilot og Summon. Til að kveikja á þeim þarftu að fara í valmyndina Autopilot Controls á flipanum Settings og kveikja á þeim.

Áður en kveikt er á Autopilot þarf bílstjóri að samþykkja „keep your hands on the steering wheels at all times“ og „maintain control and responsibility for your vehicle“. Síðan mun „keep your hands on the wheel“ birtast í hvert sinn sem bílstjóri notar Autopilot.

Umferðarnæmur hraðastillir

Til að virkja umferðarnæmann hraðastilli í Model S og Model X skaltu toga hraðastillirofann vinstra megin við stýrið einu sinni í átt að þér. Í Model 3 og Model Y skaltu ýta einu sinni niður á akstursrofann til hægri við stýrið.

Autosteer

Til að virkja Autosteer í Model S og Model X skaltu toga akstursrofann til vinstri við stýrið tvisvar í átt að þér. Í Model 3 og Model Y skaltu toga niður akstursrofann hægra megin við stýrið. Grátt stýristákn birtist á skjánum, við hliðina á hraðamælinum, þegar hægt er að nota kerfið. Blátt stýristákn birtist á skjánum, við hliðina á hraðamælinum, þegar kveikt er á Autosteer.

Þegar Autosteer er í notkun mælir hún það snúningsátak sem þú nota við stýrið og ef ónógu snúningsátaki er beitt minna síhækkandi hljóð- og sjónviðvaranir þig á að á að setja hendur á stýrið. Þetta hjálpar til við að tryggja að þú sért vakandi og þjálfar góðar akstursvenjur. Ef þú hunsar þessar viðvaranir ítrekað geturðu ekki notað Autopilot frekar á meðan á þeirri ferð stendur.

Sjálfvirk akreinaskipti

Til að hægt sé að skipta um akrein með aðstoð þarf að vera kveikt á Autosteer og bílstjórinn að hafa hendur á stýri. Ökumaður þarf að staðfesta aðstoð við akreinaskipti með því að gefa stefnuljós í þá átt sem þú vilt fara.

Navigate on Autopilot

Navigate on Autopilot er hannað til að koma þér á áfangastað á betri hátt með því að leiðbeina þér af þjóðveginum, stinga upp á akreinaskiptum, hjálpa þér af einum þjóðvegi á annan og aðstoða þig við að fara af veginum. Eiginleikinn er hannaður til að auðvelda þér að finna og fylgja hagkvæmustu leiðinni að áfangastað þegar Autopilot er í notkun.

Til að kveikja á eiginleikanum þarftu fyrst að kveikja á Autosteeru með því að fara í Controls > Autopilot > Autosteer og kveikja síðan á eiginleikanum Navigate on Autopilot. Fínstillingar á myndavél er krafist og sækja þarf nýjustu útgáfuna af leiðsagnarkortum gegnum Wi-Fi.

Fyrir hverja leið þar sem Navigate on Autopilot er í boði geturðu kveikt á eiginleikanum með því að ýta á hnappinn NAVIGATE ON AUTOPILOT sem er staðsettur í Navigation Turn listanum. Þú getur einnig kveikt á Navigate on Autopilot þegar áfangastað er slegið inn og kveikt er á Autopilot með því að breyta Navigate on Autopilot stillingunum í Controls > Autopilot > Customize Navigate on Autopilot.

Á Model 3 og Model Y er hægt að kveikja á Navigate on Autopilot á flestum þjóðvegum með því að ýta gírrofanum tvisvar snöggt niður.

Á Model S og Model X er hægt að kveikja á Navigate on Autopilot á flestum þjóðvegum með því að ýta akstursrofa tvisvar hratt í áttina að þér.

Autopark

Ef ökutækið þitt sér stað fyrir bílastæði mun grátt „P“-tákn birtast vinstra eða hægra megin á mælaborðinu, en það fer eftir staðsetningu bílastæðisins. Autopark skynjar stæði þar sem hægt er að leggja samsíða ef ekið er á minna en 24 km/klst og stæði þar sem hægt er að leggja hornrétt þegar ekið er á minna en 16 km/klst.

Til að nota Autopark skaltu ýta á bremsuna og færa gírvalið í „Reverse“. Hafðu fótinn á bremsunni. „Start Autopark“ mun birtast í bláum texta á snertiskjánum – ýttu þar til að ræsa eiginleikann og slepptu bremsunni og stýrinu. Autopark mun þá byrja að hreyfa ökutækið inn í bílastæðið með því að stjórna hraða ökutækisins, gírskiptingu og stýrihorni en þú ættir að muna að fylgjast með og vakta bakkmyndavélina til að athuga með hindranir.

Þegar Autopark er lokið mun ökutækið láta þig vita að búið sé að leggja því og fara svo í „Park“. Þú getur hnekkt Autopark hvenær sem er með því að taka stjórn á stýrinu.

Summon

Til að nota Summon skaltu opna Tesla appið. Ýttu á Summon og ýttu síðan á hnappana fram eða til baka. Summon er líka hægt að samþætta við HomeLink og getur opnað bílskúrshurðina og ekið ökutækinu úr bílskúrnum.

Smart Summon

Smart Summon er hannað til að leyfa ökutækinu að aka að þér eða staðsetningu sem þú velur, fara kringum og stoppa ef hlutir eru fram undan, eins og þörf krefur, undir virku eftirliti þínu. Smart Summon er, líkt og Summon, einungis ætlað til notkunar á einkabílastæðum og innkeyrslum. Þú berð áfram ábyrgð á ökutækinu og verður að hafa eftirlit með því og umhverfi þess allan tímann og það þarf að vera innan sjónsviðs þíns því það finnur ef til vill ekki allar hindranir. Vertu sérstaklega varkár þegar fólk er á hraðferð, kringum reiðhjól og ökutæki.

Til að nota Smart Summon skaltu opna Tesla appið, ýta á Summon og velja síðan Smart Summon-táknið. Til að kveikja á eiginleikanum skaltu halda COME TO ME hnappnum inni. Einnig er hægt að ýta á táknið fyrir áfangastað, velja áfangastað með því að færa kortið og halda síðan GO TO TARGET-hnnappnum inni. Þú getur stöðvað akstur ökutækisins hvenær sem er með því að losa hnappinn.

Smart Summon vinnur með Tesla appinu þínu og GPS símans þegar það er í gangi. Þú verður að vera innan við um það bil 6 metra frá ökutækinu þínu til að nota það í ferð sem er alls 20 metrar. Smart Summon krefst nýjustu útgáfunnar af Tesla snjallappinu (3.10.0 eða nýrri). Skoðaðu eigendahandbókina til að fá frekari upplýsingar um eiginleikann.

Stýring vegna umferðarljósa og stöðvunarskilta (tilraunaútgáfa)

Stýring vegna umferðarljósa og stöðvunarskilta (tilraunaútgáfa) ber kennsl á stöðvunarskilti og umferðarljós og hægir sjálfkrafa á ökutækinu þegar þú nálgast þau meðan þú notar Autopilot, undir virku eftirliti þínu. Til að kveikja á þessu skaltu færa ökutækið yfir í PARK og ýta á Controls > Autopilot > Traffic Light and Stop Sign Control (Beta) og kveikja síðan á Umferðarnæmur hraðastillir eða Autosteer.

Þegar kveikt er á stýringu á umferðarljósum og stöðvunarskiltum (tilraunaútgáfa) birtir akstursmyndgervingin umferðarljós, stöðvunarskilti eða vegamerkingar fram undan á gatnamótum þar sem ökutækið þitt gæti þurft að stoppa. Þegar þú nálgast gatnamót, jafnvel þó að umferðarljósin séu græn, mun ökutækið sýna rauða línu sem gefur til kynna hvar ökutækið mun stoppa og hvar það mun byrja að draga úr hraða. Til að halda áfram gegnum stöðvunarlínuna skaltu toga í Autopilot-stöngina eða ýta stuttlega á hraðapedalann til að staðfesta að óhætt sé að halda áfram. Sem stendur snýr Stýring vegna umferðarljósa og stöðvunarskilta ekki bílnum, hvort sem þú ert á beygjuakrein eða ert með kveikt á stefnuljósinu.

Tilkynningar á snertiskjánum gefa upp stöðvunarástæðu (stöðvunarmerki eða umferðarljós) og gefa einnig upp áætlaða fjarlægð að þeim punkti þar sem bíllinn mun stoppa. Ef umferðarljósatilkynningin sýnir ekki ljósan lit hefur ökutækið þitt ekki staðfest stöðu umferðarstýringar.

Eins og með alla eiginleika Autopilot þarftu að passa að hafa stjórn á ökutækinu, fylgjast með umhverfinu og grípa til aðgerða strax, þar á meðal með því að hemla. Þessi eiginleiki er í tilraunaútgáfu og ekki er víst að hann virki við öll umferðarmerki. Ef kveikt er á stýringu vegna umferðarljósa og stöðvunarskilta á vegum þegar kveikt er á Autosteer verður hraðinn hjá þér takmarkaður við uppgefið hámark. Skoðaðu eigendahandbókina til að fá frekari upplýsingar, notkunarleiðbeiningar og viðvaranir.

Virkir öryggiseiginleikar

Virkir öryggiseiginleikar eru staðalbúnaður í öllum Tesla ökutækjum sem framleidd voru eftir september 2014. Þannig er alltaf hægt að tryggja meiri vernd. Autopilot vélbúnaðurinn og hugbúnaðurinn gerir þessa eiginleika mögulega og innifelur eftirfarandi:

Sjálfvirk neyðarhemlun: Skynjar bíla eða hindranir á vegi ökutækisins og bremsar í samræmi við það
Árekstrarvari að framan: Varar við yfirvofandi árekstri við ökutæki sem hreyfast hægar eða eru kyrrstæð
Viðvörun um hliðarárekstur: Varar við hugsanlegum árekstrum við hindranir til hliðar við ökutækið
Hindrunarvöktuð hraðaaukning: Dregur úr hröðun þegar hindrun greinist fyrir framan ökutækið þegar ekið er á litlum hraða
Blindpunktsvöktun: Varar við þegar vart verður við ökutæki eða hindrun þegar skipt er um akrein
Akreinarheldni: Leiðréttir stýrið til að halda ökutækinu á tilætlaðri akrein
Akreinarheldni í neyð: Stýrir ökutækinu aftur á akreinina þegar skynjað er að ökutækið sé að fara af akreininni og árekstur gæti orðið

Virkir öryggiseiginleikar eru hannaðir til að aðstoða bílstjóra en geta ekki brugðist við í öllum aðstæðum. Þú berð ábyrgð á því að vera vakandi, aka með öruggum hætti og hafa stjórn á ökutækinu við allar aðstæður.

Algengar spurningar

Algengar spurningar Sýna allt Fela allt

Frá og með apríl 2019 fylgir Autopilot* staðalbúnaður með öllum nýjum Tesla ökutækjum, þar á meðal Umferðarnæmur hraðastillir og Autosteer.

Fyrir ökutæki án Autopilot-hugbúnaðar en búin nauðsynlegum vélbúnaði geturðu keypt Autopilot, Enhanced Autopilot eða fulla sjálfkeyrslugetu hvenær sem er gegnum Tesla reikninginn þinn - og Autopilot hugbúnaði sem krafist er verður bætt við ökutækið.

*Undantekningar kunna að vera gerðar. Þú getur staðfest hvaða Autopilot-pakki á við um þig í upplýsingakerfi bílsins.
Þú getur upplifað Autopilot, Enhanced Autopilot eða fulla sjálfkeyrslugetu í reynsluakstri á stað þar sem Tesla hefur verslun.
Þú getur keypt Autopilot, Enhanced Autopilot eða fulla sjálfkeyrslugetu hvenær sem er gegnum þinn Tesla reikning– og þá verður áskildum Autopilot-hugbúnaði bætt við ökutækið þitt.
Ökutæki sem smíðuð voru á tímabilinu september 2014 til október 2016 eru með Autopilot-vélbúnað af fyrstu kynslóð: eina myndavél, fyrstu kynslóðar ratsjá og hljóðbylgjuskynjara.

Ekki er hægt að endurbæta þessi ökutæki með nýjasta Autopilot-vélbúnaðinum.
Skoðaðu uppsetninguna á snertiskjánum. Veldu „Controls“ > „Software“ og staðfestu tegund Autopilot tölvu. Ýttu síðan á „Additional Vehicle Information“.
Frá og með apríl 2022 verða Model 3 og Model Y sem smíðaðir eru fyrir markaði í Evrópu og Miðausturlöndum, með Tesla Vision, sem notar háþróað myndavélasett Tesla og tauganetsvinnslu til að keyra Autopilot og tengda eiginleika. Þetta myndavélasett veitir þeim sem eru í bílnum upplýsingar um umhverfið sem skynjun bílstjórans ein og sér hefur ekki aðgang að. Öflug tölva um borð vinnur úr inntaksgögnunum á millisekúndum og hjálpar þér að minnka áhættu og álag við akstur.
Já. Autopilot er akstursaðstoðarkerfi sem einungis er ætlað að styðja bílstjóra sem hefur alla athygli á akstrinum. Eiginleikinn gerir Tesla ekki að sjálfkeyrandi ökutæki og gerir ökutæki ekki sjálfvirkt.

Áður en kveikt er á Autopilot þarftu að samþykkja „keep your hands on the steering wheels at all times“ og „maintain control and responsibility for your vehicle“ öllum stundum. Þegar kveikt er á eiginleikanum mun Autopilot einnig birta síhækkandi hljóð- og myndviðvaranir ef snúningsátak er ekki nægilegt á stýrinu og minna þig þannig á að vera með hendur á stýri ef snúningsátak er ónóg. Ef þú hunsar þessar viðvaranir ítrekað verðurðu útilokaður frá því að nota Autopilot á meðan á ferðinni stendur.

Þú getur hnekkt öllum eiginleikum Autopilot hvenær sem er með því að stýra, bremsa eða nota hraðastillirofann til að slökkva á eiginleikanum.
Ef þú hunsar ítrekað viðvaranir vegna eftirtektarleysis ökumanns verður Autosteer gert óvirkt í þeirri ferð. Ef þú færð nokkrar tilkynningar um „þvingaða aftengingu Autopilot“ (þrjár fyrir bíla án myndavélar í farþegarými og fimm fyrir bíla með myndavél í farþegarými) verður Autosteer og allir eiginleikar sem nota Autosteer fjarlægðir tímabundið í um eina viku.

Engin leið er að hreinsa tilkynningu um þvingaða aftengingu Autopilot handvirkt. Eftir um eina viku geturðu notað Autosteer aftur.
Margir þættir geta haft áhrif á frammistöðu Autopilot og valdið því að kerfið virkar ekki eins og ætlað er. Þar á meðal eru, án takmarkana: lélegt skyggni (vegna mikillar rigningar, snjós, þoku o.s.frv.), björt ljós (vegna aðalljósa annarra bíla, beins sólarljóss o.fl.), aur, ís, snjór, truflanir eða hindranir vegna hluta sem festir eru á ökutækið (eins og reiðhjólagrindur), hindrun vegna vara sem innihalda mikið lakk eða límefni (eins og umbúðir, límmiðar, gúmmíhúð o.fl.) og gætu verið settar eru á ökutækið; þröngir vegir, vegir með miklar beygjur, skemmdur stuðari eða stuðari sem er settur rangt á og mjög mikill hiti eða kuldi.

Til að tryggja að Autopilot-vélbúnaðurinn geti veitt upplýsingar sem eru sem nákvæmastar skaltu halda myndavélum og skynjurum hreinum og lausum við hindranir eða skemmdir. Fjarlægðu óhreinindi af og til með því að þurrka myndavélarnar og skynjarana með mjúkum klút sem vættur hefur verið með volgu vatni.
Áður en Autopilot er notað skaltu lesa eigendahandbókina til að fá leiðbeiningar og frekari öryggisupplýsingar. Þegar þú notar eiginleika Autopilot er það á þína ábyrgð að fylgjast með, aka með öruggum hætti og hafa stjórn á ökutækinu allan tímann.

Kveikt á Autopilot í Model S og Model X

Kveikt á Autopilot í Model 3 og Model Y
Áður en hægt er að nota eiginleika Autopilot í fyrsta sinn þurfa myndavélar að ljúka fínstillingarferli. Fínstillingu lýkur venjulega eftir að þú hefur keyrt 32-40 km en vegalengdin er mismunandi eftir vegi og umhverfisaðstæðum. Hafðu samband við Tesla ef ökutækið hefur ekki lokið fínstillingarferlinu eftir að þú hefur ekið 160 km.
Til að bæta öryggi þegar skipt er um akrein birta ökutæki sem smíðuð voru eftir október 2016 rauða akreinalínu þegar stefnuljósið er í gangi og vart verður við ökutæki eða hindrun á þeirri akrein sem þú ætlar að fara á. Þetta felur í sér betri vöktun á blindblettum á mælaborðinu sem endurspeglar þá tegund ökutækja sem eru á blinda blettinum. Þetta er viðbót sem hjálpar bílstjóra sem nú þegar er með athyglina á akstrinum.

Efst á síðu